TAC Hymnal

Anɔpa yεbeyi w’ayε, Awiabere nso yεbεtrontrom wo, Anwummerε yε bεkamfo wo, Anadwo nso yεbeda w’ase Asafo Yehowa wo so, Atumfo nyinaa bεkoto wo, Ɔdomankoma Agya Onyame, Ahotefo nyinaa yi w’ayε.

Israel pɔmfo Awurade, Asafo Yehowa ne wo din; Yεremfa W’anuonyam no mma Anyame bi a wɔnkasa no; Wo na wobɔɔ soro ne asase, Ɛpo ne nea εwɔ mu nyinaa; Tεkrεma nyinaa kamfo wo, Yεbεyi wo din no ayε daa.

Gyedifo teasefo Awurade, Bra bεgye nhyira ne aseda; Gyedifo asafo nyinaa Bom to ayεyi nnwom ma wo din Gyedifo asafo nyinaa Bεsom wo Asafo Yehowa; Wo nko ne wiase anidaso, Otumfo Awurade yεyi w’ayε.

Yerusalem ani agye, Hɔ na Yehowa ahengua wɔ; Zion babea di ahurusi, Asafo Yehowa ne wo hene; Soro abɔfo ne gyedifo Mfa ayεyi nnwom mma Yehowa; Ɔno ne yεn kyεm ne boafo, Momfa ayεyi nnwom mma no daa.