Ɛdasani Awiei Rebεn

Ɔdasani awiei rebεn N’ahoɔden bεbrε ’ase Ɔrennkɔ ne dwumadi so Mfa nhoahoa no ho bio; Wɔbεgye ne nkwa afi ne nsam Na ne nyansa wɔ he?

Yare bεbɔ ɔhoɔdenfo Na w’abrε no ase Ne werε befi ne nyansa Nea εkyerε no waise kwan, Na ne nyansa wɔ he?

Asaman rehwε onipaa kwan, Na w’ayε no atuu, Nsamoa bεkasa akyerε no Na ɔremmue n’ano, Ɔbεdan dɔte ne mfutuma, Na ne nyansa wɔ he? Adekyee mu dwumadi titiri

Yε ahuhude nko, Ɛyε ɔbrε ne amane, Nnipa brε ma nea εporɔw, Sε ɔde nea εporɔw yi ti hɔ a Na ne nyansa wɔ he?

Onipa rennhu owia hann Ɔrennte mframa nka, Ani renngyina no bio Efisε wafi wiase; Asaman hɔ sum mpo bεpa no Na ne nyansa wɔ he?

Awurade to me gyedi mu Na me kra dɔ wo, Ma wanimtew no mmra me so Na fa w’asεm kyerε me kwan, Sε me wiase asetena to twa a Wo nkyεn ara Nyame