Onyankopɔn Ahengua No Yε Kronkron

Onyankopɔn ahengua no yε kronkron Ahotewfo kronkron atwa ho ahyia Wɔto nnwom kronkron ma Onyankopɔn daa Wɔkoto sɔre nea ɔtease no Otumfo Onyankopɔn wo yε kronkron Yεbε bɔ ayεyi afɔre ama wo

Otumfo Nyankopɔn din no yε kronkron Ahotewfo to nnwom wɔ ne kronkronbea Soro ne asase mfa ayεyi nnwom Mma nea ɔte ase a onwu da no Israel Nyankopɔn a otim hɔ daa no Ne din kronkron nnwom na yεbεto daa

Nhyira ne ɔteasefo Nyankopɔn Ne nkutoo na ahotewfo hyira ne din Kronkron ne Otumfo a ɔte ase Nea gyedifo tweri no a wɔmpɔn nhwe Momma yemfa ayεyi nnwom nhyira no ɔso,ɔkorɔn,nti momma ne din so

Onyankopɔn ama wo din ama so Enti na Israel anya anigye Mogya adansefo nso di adanse Sε wo na wowɔ tumi basa kronkron Wobεma Israel anya abotɔyam Aseda nka wo din wɔ wo kronkronbea

Wo na anuonyam atwa wo ho ahyia Enti ahotewfo mpo ntumi nhwε wo Ateasefo baanan no sɔre wo daa Hyira wo sε kronkron ne Nyankopɔn Nea ɔwɔ hɔ nnε ne daa na ɔtease Nidi ne aseda nka wo din kronkron

Otumfo Nyankopɔn, hena na ɔne wo sε? Wo nnwuma du adanse sε wowɔ tumi Wo tumi wɔ sore ne asase so Epo ne mmepɔw nso kyerε wo tumi Kerubim ne Serafim to ho dwom daa ɔsoro Nyankopɔn wo yε kronkron