Hymn 24: Mo Mmra Ma Yεnsɔre

Mo mmra ma yεnsɔre Onyankopɔn kronkron, Ɔno na abɔde Nyinaa fi ne mu bae, Enti ne nkoa nyinaa Nto ne din ho dwom daa Otweaduampɔn Nyame Yεyi wo ayε daa

Ɔdomakoma Nyame Tumi nyinaa yε wode Soro ne asase Kyerε sεnea wo te Ma abɔde nyinaa Nyi ne din ayε daa Otweaduampɔn Nyame Yεda wo ase daa

Otumfo Nyankopɔn Wo na ayεyi sε wo Da wo tumi adi Na ma wiase nhu Ɛpo ne ne mayε Bɔ wo mmrane kyerε Otweaduampɔn Nyame Tumi nyina yε wo de

Onyankopɔn kεse Wiase tumfo ne wo Wiase anyansafo Bεkotow asɔre wo Tetefo Nyankopɔn Wode mframa nantew Otweaduampɔn Nyame Gyedifo hyira wo

Onyankopɔn kronkron W’asafo da wo ase W’asɔrefi no mu Na wɔbɔ wo din daa Nnwontofo bεto dwom Ayi wo din ayε Otweaduampɔn Nyame Yεkamfo wo din daa

Onyankopɔn Agya Aseda nka wo din Wo na w’ama yεahu Sεnea wadom no te Wode nkwagye frankaa Asi wo kronkronbea; Otweaduampɔn Nyame W’ayεyi rensa da