Wɔn A Wɔtwεn Yehowa No

WƆn a wɔtwεn Yehowa no Ade pa biara mmɔ wɔn; Ɔma wo hu no dahiada mu Sεnea ne bɔhyε kronkron te; Ogye wɔn kɔ nsu a edwo ho Na ɔma wɔn nya nhyira

WƆn a wɔtwεn Yehowa no Ɔkyerε wɔn kwan tenenee no; Ɔde ne fi asomdwoe ma wɔn Ma wɔsow aba ne bere mu; Onyankopɔn fi nne pa no nti WƆde anigye hyira no

Onyankopɔn ama mahu Nnepa pii a wasiesie no; Adom ne asomdwoe a εwɔ hɔ Ma wɔn a wɔba ne nkyεn nyinaa; W’ama manya dom asi dom mu Enti mεto ne ho dwom daa.

Mεkɔ Onyankopɔn fi daa Akohyira ne din kronkron; Awo ntoatoaso bεkamfo no Na w’aka sε Yehowa ye; WƆbεma ne din atena hɔ Na nkyirimma nso asuro no

Onyankopɔn yε ɔdomfo N’adom no nti na yεwɔ hɔ W’abue ne nsam ama gyedifo Enti na wɔbata ne ho; O,Yehowa yεbεsɔre wo Na yεanya wo nsam nhyira daa