Hymn 290: Onyankopɔn Ma Wo Nsa So

Onyankopɔn ma wo nsa so Na ma wo dom no nnɔɔso Bεhwε gyedifo ahokyerε Na wɔn ani da wo so Gyedifo de awerεhow Bɔ wo din frε wo daa Enti sɔre w’ahengua so Na bεkyekye yεn werε

Yεn anigye mpo ayera Efisε yεn bo tu daa Nanso wo wɔ yεn nti Yebegyina ama wo Bεwoso mmepεw akεse Bεhwε yεn ahokyere Yehowa sɔre na kasa Na bεkyekye yεn werε

W’asεmpa no mu tumi mpo Afi yεn asenka mu Yenim sε wo de wo nsakra Enti sɔre na kasa Gyedifo mpae ara ne sε Yebehu wo tumi no Enti brε ɔtamfo no ase Na bεkyekye yεn werε

Honhom kronkron mu anigye Ne nea yεn kra kɔn dɔ Nanso ɔtamfo no haw nti Yεn kra nte nka bio Onyankopɔn dεn na yεayε Kae wo tete bɔhyε no Sɔre na bεhyε yεn hia so Na bεkyekye yεn werε

Onyankopɔn kae w’asafo Na bεteε wo nsa to nnipa mma so Na soma wɔn wiase Onyankopɔn sɔre ntεm Begye wɔn a w’ayera Ma yεn daa sufrε nnu w’anim Na bεkyekye yεn werε

Ma soro adom nsu no atɔ Na asase no atwe Yεn asase kεse no nti Dom akyεde ayera Ma soro adom nsu no ntɔ Ngu wo bobe turo mu Onyankopɔn tie yεn mpaebɔ Na bεkyekye yεn werε

Yεn amumuyε adɔɔso, Yεn mpaebɔ nnu w’anim Yεne wo ntam aware nti Yεnntumi ne wo nkasa Yi wo nsa fi wo koko mu Yenim sε wo nim wo de nti Na bεko gye gyedifo Na bεkyekye yεn werε