Me Kra Sɔre Yi Awurade Ayε

Me kra sɔre yi Awurade ayε To ayeyi dwom ma wo gyefo no W’ayi n’adom no adi akyerε wo Enti fa ahurusi yi n’ayε Onyankopɔn, mu dom no agye me Enti mεto nnwom ayi n’ayε.

Me kra sɔre yi Awurade ayε Bɔ anɔpa afɔre ma no daa M’awerεhow adan me anigye Ne mmɔbrɔhu kεse agye me nti Wayi me afi wiase sum mu Ɛnti mehyira no wɔ ne fi daa.

Me kra sɔre yi Awuarde ayε Mma wo werεmmfi sε ɔyε wo gyefo Ɔde akyεde a ɔne Kristo no Apata wo bɔne ama ne ho W’abue ne fi kwan ama me Me nso mεto dwom m’akamfo no daa.

Onyankopɔn ne me abεtena nnε, Ɛnti me kra anya anigye pii W’ama m’ahu sεnea ne dɔ no te Ma nnebɔnyεfo a meka ho bi W’ahoro me sε sukyerεma yi Mede nnwomto mεkamfo no daa

Onyankopεn nmobrohunu dɔɔso ampa Ɛnti na w’agye me sε ɔba yi Mεma m’ani so ahwε no daa Na w’ama n’adom abu so ama me Awurade Nyankopɔn ne me hwεfo Ɛnti mεsɔre no wɔ ne fi daa

Awurade Nyankopɔn domfo agye me Mede ayeyi bεma ne din daa Abɔde bɔ ne din kronkron daa De hwehwε ne nsam nhyira no Onyankopɔn kεse, soro Agya Ayeyi nka wo din kronkron no daa.