Momma Yεmfa Aseda Mma Onyankopɔn

Momma yεmfa aseda mma Onyankopɔn Na wama yεahu ne nkwagye Anigye kεse nsεmpa a yεate yi, Bε yε aman nyinaa de Wɔawo Kristo no wɔ Betlehem Ɔda mmoa adidi daka u, Anuonyam wɔ soro soro ma Onyankopɔn Asomdwoe wɔ ’asase so

W’awo nea ɔ sorosoro no Ba Enti momma yεn ani nnye W’ama Kristo Agyenkwa no aba, W’ama Israel ahotɔ; Gyedifo Agyenkwa no aba, Ɔno ne wiase akyεde; Anuonyam wɔ sorosoro ma Onyankopɔn Asomdwoe wɔ asase so

Onyankopɔn apopa wiase sum, W’ama ne hann fεfε no ahyerεn Kristo nsoromma no ahyerεn wɔ sum mu Ama anifuraefo nnε; W’awo Kristo no wɔ David kurom Israel ahu ne bɔhyε Anuonyam wɔ sorosoro ma Onyankopɔn Asomdwoe wɔ asase so

Momma yεn akyεde nkɔkyε Kristo Agyenkwa kronkron no, Momma yεmfa aseda mma Onyankopɔn Na w’ama yεahu Awurade; Yesu Kristo ne yεn Agyenkwa, Enti momma yεn ani nnye Anuonyam wɔ sorosoro ma Onyankopɔn Asomdwoe wɔ asase so

Momma yεnka nkyerε nnebɔneyεfo sε Wɔawo Kristo agyenkwa no, Momma yεmfrε wɔn nyinaa mmra ne nkyεn Na Kristo mma wɔn asomdwoe, Yesu Kristo ne asomdwoe hene, Ɔno ne wiase anidaso, Anuonyam wɔ sorosoro ma Onyankopɔn Asomdwoe wɔ asase so