Font
Color
Size
18px
Theme
Spacing
Hymn 12 of 316🏷️ Ayeyi ne Ntrontrom(Praise & Adoration)
Mehyira Onyankopɔn Daa
Official Twi Hymn of The Apostolic Church-Ghana
1
Mehyira Onyankopɔn daa
Wɔ gyedifo asafo mu
Wo ne me guankɔbea kεse
Nhyira nka wo Onyankopɔn.
2
Me Nyankopɔn meda w’ase,
Mekamfo w’adɔe kεse no
Kerubim ne Serafim nso
De wɔn anyigye yi wo ayε
3
Ɔdomankoma Nyankopɔn
Gyedifo nyinaa hyira wo
Asu akese ne mmepɔw
Kyerε wo tumi kεse no.
4
Mεbɔ sanku ayi wo ayε
Mεkamfo wo dɔ kεse no
Wo mmɔbrɔhunu to ntwa da
Enti na meda wo ase daa.
5
Mede daa nnwon to dεdε no
Bεma wo a wote soro
Adekyeε nsoroma a wohyerεn
W’ahoɔfε no to rentwa da.
6
Ɔsoro Nsoroma ne ɔsram
Kyerε w’anuounyam kεse no
Soro abɔfo de nnwomto
Kamfo wo Yehowa tumi no.
7
Gyidfo nyinaa Nyankopɔn
Yεyi wo din no ayε daa
Wo din kronkron no ama so
Enti bεgye w’aseda daa.
8
Mεma wo din kronkron no so
Na mato w’adɔe ho nnwom;
Mεkotow na m’asɔre wo
Wɔ w’asɔrefi kronkron mu.
9
Monka Yehowa nneyεe nkyerε,
Ɔno ne yεn Nyankopɔn;
Monka Yehowa nneyεe nkyerε
Monto nnwom nhuro mma no.
Singing with your choir, family, or fellowship?
Share Hymn 12 (Mehyira Onyankopɔn Daa) or copy the full lyrics.
