Soro Ne Asase Yi Rebεtwa Mu Akɔ

Soro ne asase yi rebεtwa mu akɔ, Ahohiahia dabi a εyε hu reba, Awurade nne kεse bεteεm Afrε ne de, Wɔn a wɔ bεbɔ ne din da no benya nkwagye

Ɔbrε ne amane nyinaa nso to rebetwa Ɔyaw ne nisu ne awerεhow befi yεn so, Yε behu ɔgyefo Kristo no sε yεn Agyenkwa, Na yεabɔ ne din kronkron na yεanya nkwagye

Ahoɔdenfo de wɔn ani bεhintaw Kristo, Atumfo tumi no rentumi mmoa wɔn da no, Wɔn ho bεpopo wɔ Kristo atemmufo anim, Ɔgyefo bεbɔ wɔn na wɔayera wɔn kra

Yεbεma yεn ani so ahwε Oguanmmaa no Nea wadi owu ne asaman so ama yεn, Ɔbεto nsa afrε yεn, wɔapopa nisu nyinaa Na wama yεahu ne nkwagye a εwɔ hɔ daa

Yεde honam foforo bεsɔre sε yεmporɔw da, Owu ne asaman rentumi nkora yεn so bio Gyedifo nyinaa bεte wɔn gyefo no nne, Na yεne wɔn ato nnwom ahyira Awurade

Yεde ɔdɔ mfewano bekyiakyia wɔ Kristo nkyεn Yebehu adɔfo a yεn kra kɔn dɔ wɔn no, Ɔsoro asafo bεma yεn akwaaba kronkron Na yεne wɔn ato nnwom ahyira Awurade

Dabεn na yεbehyia na yεanya daa ahotɔ? Da bεn na yεbεbom atena wɔ Kristo nkyεn? O,Awurade kasa na yε nhu wo bɔhyε Na yεne soro asafo mmom nyi wo din ayε