Na Ne Yesu Kristo Bεtena

Na ne Yesu Kristo bεtena Na me werε emfi ne din, Ɔhwε tumi a εsakra Nea ogye ne din Kronkron di, Sε me dom fi honam mu a Me nim ne din nti merennyera

Me nkwagye ne Yesu Kristo Nyame aguammaa kronkron no Nea ofi soro baa wiase Begyee owu tumi safe; Sε nna a εyε hu no du a Me nim ne din nti merennyera

Megye Yesu Kristo do nti Ɔbεhwehhwε me wɔ da no, Me gye Yesu Kristo di nti Sε ɔteεm a mεte ne nne, Sε soro ne asase twam’ a Me nim ne din nti merennyera

Yesu Kristo wɔ m’afa nti Mennsuro anadwo wibɔ, Me gye Yesu Kristo di nti Ɔbεhwε me so afebɔɔ, Sε mframa a εyε hu bɔ a Me nim ne din nti merennyera

Yesu Kristo nkwagye basa Begye me nea mεkɔ biara, Yesu Kristo nkwagye basa Bεbrε owu tumi ase, Sε asase yi woso a Me nim ne din nti merennyera

Yesu Kristo ne wusɔre Enti merennka damoa mu Okura owu safe nti Obεgye me afi ne nsa mu Yesu Kristo ne m’agyenkwa Me nim ne din nti merennyera

Yesu Kristo nne begyigye Wɔ nna εyε hu no mu, Gyedifo di anigye nnwom

Bεsɔre afi owu nna mu, Sε atεmmu do no du a Me nim ne din nti merennyera