Hena Na Wahu Onyankopↄn

Hena na wahu Onyankopɔn Na dεn na wode bεsusu no? Soro abɔfo yi n’ayε Nanso wontumi nhwε n’anim Ɔhyerεn wɔ soro kurow no mu, Ɔyε anuonyam Nyankopɔn.

Onyankopɔn anuonyam no wɔ Ɛpo ne asu akεse so; Mepɔw so srɔnsrɔn nso kyerε N’anuonyam a εwɔ hɔ daa; Ano ntumi nkyerε sεnea ɔte Ɔyε anuonyam Nyankopɔn

Asu a εworo ka n’anuonyam Na wɔntumi nkerε sεnea ɔte; Ntakraboa to no dwom daa, Nanso wɔnkyerε n’anuonyam Soro abɔfo ntumi nkyerε Ɔye anuonyam Nyankopɔn

Onyankopɔn anuonyam wɔ he? N’ankasa ne anuonyam no; Ɔno na ani nnhunu no da; Mframa yε ne teaseεnam, Hena bεma no anuonyam Ɔye anuonyam Nyankopɔn

Suban bεn na wode bεsusu Saa anuonyam Nyankopɔn yi Ne trabea wɔ ne kronkron bea Nanso ani ntumi nhu no; Nea ne nko wɔ hɔ na ɔwɔ hɔ, Ɔyε anuonyam Nyankopɔn

Owia, Ɔsram ne Nsoromma Ntumi nkyerε n’anuonyam no Kristo kyerεε n’anuonyam no bi Na abɔfo bεsɔre no; Ɔno ne daa anuonyam no Ɔyε anuonyam Nyankopɔn.