Hymn 256: Kristo Asεmpa Ne Me Kyεn

Kristo asεmpa ne me kyεn Akodi mu na ɔboa me, Mereyε m’adwuma ntεm Na m’afi ha akɔhome, Anuonyam bi wɔ hɔ a mεhwε Enti merentena ha me nkyε

Nnepa bi nni wiase ha Anigye nni asase yi so, Asetra pa bi nni ha, Wiase akodi nso dɔɔso, Awerεhow wɔ asase yi so. Enti me rentena ha menkyε

Ɔhaw pii yi ase ne den? Awerεhow hyε me so daa; Dadwen pii yi ase ne dεn? Wiase asetena afono me kra, Menim sε m’awerεkyekye bεkyε, Enti me rentena ha menkyε

Me kra kɔn dɔ sε ɔbεkɔ Akɔ home wɔ Kristo nkyεn; Me kra kɔn dɔ sε ɔbεkɔ Ɔsoro kurow kronkron no mu; Ɛhɔ na Kristo de ahyε me bɔ Enti me rentena ha menkyε

Sε me hu Kristo anim a Me werε befi dadwene nyinaa, Enti m’ani gyina hɔ daa Rehwε no frε kronkron no kwan; Yesu Kristo reto me nsa, Enti me rentena ha menkyε

Yesu Kristo ne me tenenee, Ne bɔhyε so na m’ani da, Obeyi me haw ne dadwene Na me honam mu brε to atwa Ɔdɔ me, me me nso menim ne din, Enti me rentena ha menkyε