Hymn 111: Adom Bi Na Kristo De Nam Gyedi So

Adom bi na Kristo de nam gyedi so Agye me nkwa na εnnyε ndwuma nti, N’afɔrebɔ kronkron no som me bo, O,hwε sεnea Yesu Kristo si dɔ me,

Yesu kɔɔ Kalvary ko wui maa me ne wo Ɔsoaa dua duruduru no bepɔw no so Owui wɔ nokware ne trenee mu, Gyee yεn fii owu mprenu atεmmu mu

Wɔde mfew ano yii Yesu Kristo mae Sε debɔneyεni a εsε sε owu; Ɔde n’adehye mogya no agye me, Ayi me afi mmusu a mebɔe mu

N’afɔbu atεmmu agua’nim gyina no Yε nnebɔneyεfo bemmu atεmmuda; Nnebɔneyεfo asotwe nyinaa daa no so; Me werε remfi sε Kristo yε Agyenkwa

Kristo yε nnebɔyεfo nyinaa gyefo pa, Wiase agyenkwa a yεanya no nhui; Na mmrεwyε na εhyε gyedifo den, ɔno ne ogyefo a yεanya no nhui

N’asεndua soa ’kwantu no yε animguase Yεrusalεm abɔnten so asehwe Maa nnebɔneyεfo asotwe kitaa no, Ɔdɔfo bεn na ɔtesε Yesu Kristo?

Kristo yεε komm daa bɔne asεndua no so Sε oguanten bi a wɔrekokum no; Sε mehwε n’amanehunu apirakuru a, εma mekae sε anka meda owu nna

N’asεndua no so wu no yε akyεde, Nnebɔneyεfo nyinaa nkwagye akyεde; Yesu Nasarεni no de n’adom mogya Pataa Onyankopɔn mma me mmarato nyinaa