Nhyira Ne Israel Nyankopɔn Daa

Nhyira ne Israel Nyankopɔn daa Nea ɔbɔɔ ɔsoro ne asase no W’ama no din so wɔ asase no Enti soro ne asase nhyira no

Momma yεmfa aseda mma no daa Ɔno ne yεn boafo wɔ wiase ha Ɔde ne basa kronkron agye yεn Enti ma abɔde nyinaa nhyira no

Momma yεn werε mmfi ne nneyεe pa N’adom a agye yεn afi bɔne mu Wadi ne bεhyε so ama yεn nti Momma yεnto ayεyi nnwom nhyira no

Ɔsoro ne asase Nyankopɔn Yεbεto nnwom ayi wo din ayε daa Ama yεn ani agye wɔ wo fi Enti yεbεma wo din kronkron no so

Onyankopɔn ama nnebɔneyεfo Abɔ wo din anya nkwa a enni awiei Wo din no so sen anyame nyinaa Enti yεbεto nnwom sε wowɔ hɔ daa

Tumi abran nyinaa nsuro ne din Ɔde tumi bεkasa sε Otumfo Abɔde nyinaa bεyε komm da no Na ahotewfo ato nnwom ahyira no

Momma yεnfa aseda mma no daa Efisε ɔde yεn ahinta ne mu Da bi yεbehu ne nkwagye basa Nea wama so akyerε Israel no

Otumfo Nyankopɔn yεn agya pa Wo nkwagye bas anti na yεti ase, Yεbεbɔ wo din wɔ wo kronkronbea Na yεato aseda nnwom ahyira wo