Hymn 175: Kristo Asεndua Ase Na Mεtena

Kristo asεndua ase na mεtena Na ne mogya no asosͻ me so Enti sε ͻhaw hyε me so mpo a Mεma m’ani so ahwε Kalvary

Kristo m’agyenkwa mεbata wo ho Me ne wo bεtena na ahyira me Enti sε nnipa tu me bo mpo a Mεma m’ani so ahwε Kalvary

Kristo asεndua soa no hyε me den Ne mu tumi no kora gyedifo Enti sε me kra tͻ piti mpoa Mεma m’ani so ahwε Kalvary

Yesu Kristo dͻ no yε me frankaa Ɔde adi me bͻne so nkonim Enti sε bͻne mframa bͻ mpo a Mεma m’ani so ahwε Kalvary

Getsemane hɔ na Kristo kae me Me bɔne no nti, ɔnom kuruwa no; Enti sε wiase gyigye me mpo a Mεma m’ani so ahwε Kalvary

Kristo asεndua ase na mεtra Efisε ɔno ne me kra gyefo; Sε bɔne yε me adesoa mpo a Mεma m’ani so ahwε Kalvary

Minim m’agyenkwa dɔ sεnea εte, Onim sε mepε sε me dɔ no bi; Enti sε me dɔ ano dwodwo mpo a Mεma m’ani so ahwε Kalvary.

Kristo dɔ me, na me yε wo de, Kyerεw wo dɔ no wɔ me koma mu; Sε me hyia ɔtaa wɔ me som mu mpo a Mεma m’ani so ahwε Kalvary.