Kristo Mogya Ne Gyedifo Botae

Kristo mogya ne gyedifo botae, Nemu nantew yε gyedifo anigye; Yεn abankεse ne mogya no mu tumi, Kristo mogya ne yεn ahyehyεde.

Kristo mogya yε bɔne ho mpata, Ɔde popa yεn mmarato no nyinaa, Kristo mogya yi nko n’adom ahyε no ma, Kristo mogya ne yεn ahyehyεde.

Kristo mogya no som gyedifo bo, Ne mu na sum ntumi nnyina mu koraa, Kristo mogya hwiegu na wɔde bu yεn bem, Kristo mogya ne yεn ahyehyεde.

Kristo mogya wɔ hɔ ma nkonimdi, Ɔkasa ma gyedifo wɔ soro, Adom mogya yi ne afɔre a εteε nnε, Kristo mogya sɔ Yehowa ani.

Kristo mogya ne gyedifo nsubura, Sε wotɔ mu a wode anigye fi, Wɔn adesoa fi tɔ ma anigye bu so, Kristo mogya di bɔne so nkonim.

Kristo mogya abue nkwagye kwan no, Ama nnomumfo nyinaa aba fie, Anigye wɔ soro yεn kurow Kronkron no mu, Kristo mogya akyerε yεn soro kwan.

Kristo mogya de bɔne fakyε ba, Ne pira no atu me yaw nyinaa, Mεkae N’amanehunu ne ne wusɔre no, Kristo mogya atew yεn ho koraa.